Эканоміка ў 1990—2001 гг.
1945 - Да нашых дзён
1945 - Да нашых дзён
Аграпрамысловы комплекс раёна складаюць 27 калгасаў, 2 камунальныя унiтарныя сельскагаспадарчыя прадпрыемствы, рэспублiканскае унiтарнае сельскагаспадарчае прадпрыемства «Дружба», рэспублiканскае унiтарнае сельскагаспадарча-прамысловае прадпрыемства «Кобрынская птушкафабрыка», а таксама прадпрыемствы, якiя абслугоўваюць аграпрамысловы комплекс: адкрытыя акцыянерныя таварыствы (ААТ) «Кобрынская Сельгастэхнiка», «Кобрынскi Райаграснаб», «Кобрынскае раённае аб‘яднанне «Сельгасхiмiя» i мiжгаспадарчыя арганiзацыi: раённая станцыя па барацьбе з хваробамi жывёл, райветлабараторыя, семянная iнспекцыя, аграхiмлабaраторыя, вучэбны камбiнат. У раёне маецца 30 фермерскiх гаспадарак, за якiмi замацавана 594 га зямлi.
Землi сельскагаспадарчага карыстання займаюць 100 366 га, у тым лiку ворнай зямлі – 55 345, бал сельгасугоддзяў 29,0, ворнай зямлі – 30,7.
Асноўныя галіны сельскай гаспадаркі: мяса-малочная жывёлагадоўля, вытворчасць збожжа, цукровых буракоў. Вырошчваюць бульбу, лён-даўгунец, кармавыя культуры, агародніну.
Удзельная вага жывёлагадоўлi ў валавой прадукцыi сельскай гаспадаркi складае 48%, раслiнаводства 52%. На 1.1.2002 г. шчыльнасць буйной рагатай жывёлы на 100 га сельгасугоддзяў складае 52 галавы, у т.л. кароў 16,7 галоў. Шчыльнасць свiней на 100 га ворнай зямлі – 37,6 галоў.
Вытворчасць валавой прадукцыi сельскай гаспадаркi ў супараўнальных цэнах у 2001 г. склала 23 454,6 млн. рублеў, да ўзроўню 2000 г. — 105,8%.
Сёння на тэрыторыi раёна знаходзіцца 26 прамысловых прадпрыемстваў, якія прадстаўляюць такiя галіны прамысловасцi як: хiмiчная i нафтахiмiчная, машынабудаванне i металаапрацоўка, лясная, дрэваапрацоўчая i цэлюлозна-папяровая, лёгкая, харчовая, палiграфiчная.
На прамысловых прадпрыемствах раёна працуе каля 7 700 чалавек.
Аб’ём вытворчасцi прамысловай прадукцыi за 2001 г. у дзеючых цэнах склаў 49640,9 млн. рублёў, спажывецкiх тавараў – 37531 млн. рублёў. Прадпрыемствамi раёна пастаўлена ў 2001 г. на экспарт прадукцыi на сумму 13 353,6 тыс. долараў ЗША.
Прамысловыя прадпрыемствы пастаўляюць прадукцыю на экспарт у Расiю, Германiю, Чэхiю, Лiтву, Латвiю, ЗША, Францыю, Нiдэрланды, Польшчу, Бельгiю.
А.Д.Белабрыўчык